അല്‍ത്താഫ്‌ സലീം, അനാര്‍ക്കലി മരക്കാര്‍ ടീം ഒരുമിക്കുന്ന വിനോദ്‌ ലീല സംവിധാനം ചെയ്യുന്ന പുതിയ സിനിമ മന്ദാകിനി റിലീസിനൊരുങ്ങുന്നു. മെയ്‌ 24ന്‌ സിനിമ തിയേറ്ററുകളിലെത്തും. വിനോദ്‌ തന്നെയാണ്‌ സിനിമ എഴുതിയിരിക്കുന്നത്‌. സഞ്‌ജു ഉണ്ണിത്താന്‍ നിര്‍മ്മാതാവും.കോമഡി എന്റര്‍ടെയ്‌നര്‍ സിനിമയില്‍ അല്‍ത്താഫും അനാര്‍ക്കലിയും ദമ്പതികളായെത്തുന്നു. ലാല്‍ ജോസ്‌, ജൂഡ്‌ ആന്റണി ജോസഫ്‌, അജയ്‌ വാസുദേവ്‌, ജിയോ ബേബി, എന്നിവരും മുഖ്യവേഷങ്ങളിലെത്തുന്നു. ഗണപതി, സരിത കുക്കു, ജാഫര്‍ ഇടുക്കി, അശ്വതി ശ്രീകാന്ത്‌, വിനീത്‌ തട്ടില്‍ എന്നിവരും സഹതാരങ്ങളാകുന്നു.ഛായാഗ്രഹണം- ഷിജു എം ഭാസ്‌കര്‍, എഡിറ്റര്‍- ഷെറില്‍, സംഗീതം - ബിബിന്‍ അശോക്‌ എന്നിവരാണ്‌ അണിയറയില്‍.അല്‍ത്താഫ്‌ തന്റെ രണ്ടാമത്തെ സിനിമ ഓടും കുതിര ചാടും കുതിര സംവിധാനത്തിലാണ്‌. ഫഹദ്‌ ഫാസില്‍ നായകനായെത്തുന്നു. ഞണ്ടുകളുടെ നാട്ടില്‍ ഒരിടവേള എന്ന ചിത്രത്തിലൂടെയാണ്‌ അല്‍ത്താഫ്‌ സംവിധായകനായെത്തുന്നത്‌. നിവിന്‍ പോളി ആയിരുന്നു നായകന്‍. അനാര്‍ക്കലി ഗഗനചാരി റിലീസ്‌ കാത്തിരിക്കുകയാണ്‌. അരുണ്‍ ചന്തു ഒരുക്കുന്ന സിനിമയില്‍ അജു വര്‍ഗ്ഗീസ്‌, ഗോകുല്‍ സുരേഷ്‌ എന്നിവരുമെത്തുന്നു.
.jpg)