കേന്ദ്രഅവഗണനയ്ക്കെതിരായുള്ള കേരളത്തിന്റെ സമരത്തെ പിന്തുണച്ച് തമിഴ്നാട്. കര്ണാടകയുടെ സമരം നാളെ ന്ടക്കും. മുഖ്യമന്ത്രി പിണറായി വിജയന് അയച്ച കത്തില് കറുത്ത വേഷമണിഞ്ഞ് ഡിഎംകെ നേതാക്കള് പങ്കെടുക്കുമെന്ന് അറിയിച്ചിട്ടുണ്ട്.
ഫെബ്രുവരി 9ന് 11 മണിക്ക് മുഖ്യമന്ത്രിയുടെ നേതൃത്വത്തില് മന്ത്രിമാരും എംഎല്എമാരും എല്ഡിഎഫ് എംപിമാരും ദില്ലി ജന്ദര്മന്തറിലേക്ക് മാര്ച്ച് നടത്തും. കേന്ദ്രസര്ക്കാര് കേരളത്തോട് കാട്ടുന്ന അവഗണനയ്ക്ക്ും പ്രതികാരനടപടികള്ക്കുമെതിരെയാണ് ശക്തമായ സമരം. വികസനമുരടിപ്പുണ്ടാക്കി സര്ക്കാരിന്റെ ജനസ്വാധീനം കുറയ്ക്കുക എന്ന ലക്ഷ്യത്തോടെ കേന്ദ്രസര്ക്കാര് ന്ടത്തുന്ന ആസൂത്രിത നീക്കത്തിനെതിരെയാണ് പ്രക്ഷോഭം.
സമരത്തിന് തമിഴനാട് മുഖ്യമന്ത്രി സ്റ്റാലിന് പൂര്ണപിന്തുണ പ്രഖ്യാപിച്ചു. ഇന്ത്യ സഖ്യത്തിലെ എല്ലാ നേതാക്കളേയും സമരത്തിലേക്ക് ക്ഷണിച്ചിട്ടുണ്ട്.
