മാരിവില്ലിന്‍ ഗോപുരങ്ങള്‍ റിലീസ്‌ തീയ്യതി പുറത്തുവിട്ടു. ഇന്ദ്രജിത്‌ സുകുമാരന്‍, ശ്രുതി രാമചന്ദ്രന്‍, സര്‍ജാനോ ഖാലിദ്‌, വിന്‍സി അലോഷ്യസ്‌ എന്നിവര്‍ പ്രധാന കഥപാത്രമായെത്തുന്ന സിനിമ ഫെബ്രുവരി 16ന്‌ തിയേറ്ററുകളിലേക്കെത്തും.
ഫീല്‍ ഗുഡ്‌ എന്റര്‍ടെയ്‌നര്‍ സിനിമയുടെ സംവിധായകന്‍ അരുണ്‍ ബോസ്‌ ആണ്‌. വസിഷ്‌ഠ്‌ ഉമേഷ്‌, റോറോ എന്നിവരും സിനിമയില്‍ പ്രധാനവേഷങ്ങളിലെത്തുന്നു. ലളിതം സുന്ദരം തിരക്കഥാക്കൃത്തും ഒരായിരം കിനാക്കളാല്‍ സംവിധായകനുമായ പ്രമോദ്‌ മോഹന്റേതാണ്‌ സിനിമയുടെ കഥ. സഹസംവിധായകനായും പ്രമോദ്‌ എത്തുന്നു.
പ്രശസ്‌ത സംഗീതസംവിധായകന്‍ വിദ്യാസാഗര്‍ സിനിമയ്‌ക്ക്‌ സംഗീതമൊരുക്കിരിക്കുന്നു. ശ്യാംപ്രകാസ്‌ എംസ്‌ ഛായാഗ്രഹണം, ഷൈജല്‍ എഡിറ്റിംഗ്‌ എന്നിവരാണ്‌ അണിയറയില്‍. പ്രശസ്‌ത പ്രൊഡക്ഷന്സ് ഹൗസ്‌ കോക്കേഴ്‌സ്‌ മീഡിയ എന്റര്‍ടെയ്‌ന്‍മെന്റാണ്‌ സിനിമ നിര്‍മ്മിച്ചിരിക്കുന്നത്‌.
