വിനീത്‌ ശ്രീനിവാസന്‍, നിഖില വിമല്‍ എന്നിവര്‍ പ്രധാന കഥാപാത്രങ്ങളായെത്തുന്ന സിനിമ കഥ പറയുമ്പോള്‍ സംവിധായകന്‍ എം മോഹനന്‍ ഒരുക്കുന്നു.
ഒരു ജാതി ജാതകം ടീം സിനിമയുടെ ടീസര്‍ പുറത്തുവിട്ടു. വിനീത്‌ ശ്രീനിവാസന്‍, നിഖില വിമല്‍ എന്നിവര്‍ പ്രധാന കഥാപാത്രങ്ങളായെത്തുന്ന സിനിമ കഥ പറയുമ്പോള്‍ സംവിധായകന്‍ എം മോഹനന്‍ ഒരുക്കുന്നു. അരവിന്ദന്റെ അതിഥികള്‍ ഇദ്ദേഹത്തിന്റേതായിരുന്നു.
നിഖില വിമലിന്റെ കഥാപാത്രം വിനീതിന്റെ കൈ നോക്കി ചീത്തസമയം ആരംഭിക്കാന്‍ പോവുകയാണെന്നും ശ്രദ്ധിക്കണമെന്നും പറയുന്നതിലൂടെയാണ്‌ ടീസര്‍ തുടങ്ങുന്നത്‌. ബാബു ആന്റണി, പിപി കുഞ്ഞിക്കൃഷ്‌ണന്‍, മൃദുല്‍ നായര്‍, വിധു പ്രതാപ്‌, സയനോര ഫിലിപ്‌, കയാടു ലോഹര്‍ എന്നിവര്‍ സഹതാരങ്ങളാകുന്നു.
ഒരു ജാതി ജാതകം തിരക്കഥ രാകേഷ്‌ മണ്ടോടിയുടേതാണ്‌. തിര, ഗോദ എന്നിവ രാകേഷിന്റേതായിരുന്നു. മഹാ സുബൈര്‍, നിര്‍മ്മിക്കുന്ന സിനിമയുടെ ഛായാഗ്രഹണമൊരുക്കുന്നത്‌ ഹൃദയം ഫെയിം വിശ്വജിത്‌ ഒടുക്കത്തില്‍ ആണ്‌. ഗുണ ബാലസുബ്രഹ്മണ്യത്തിന്റേതാണ്‌ സംഗീതം. രഞ്‌ജന്‍ എബ്രഹാം എഡിറ്റിംഗ്‌ നിര്‍വഹിച്ചിരിക്കുന്നു.
വിനീത്‌ , പ്രണവ്‌ മോഹന്‍ലാല്‍, ധ്യാന്‍ ശ്രീനിവാസന്‍ എന്നിവരെ കേന്ദ്രകഥാപാത്രങ്ങളാക്കി വര്‍ഷങ്ങള്‍ക്ക്‌ ശേഷം എന്ന സിനിമ ഒരുക്കുകയാണിപ്പോള്‍.
