സംവിധായകന് സക്കറിയയും സൗബിന്‍ ഷഹീറും സുഡാനി ഫ്രം നൈജീരിയയ്‌ക്ക്‌ ശേഷം വീണ്ടുമൊരുമിക്കുന്നു. ആറ്‌ വര്‍ഷങ്ങള്‍ക്ക്‌ ശേഷം ഇരുവരും ഒരുമിക്കുന്ന വിവരം സംവിധായകന് സോഷ്യല്‍മീഡിയയിലൂടെ അറിയിച്ചു.
സുഡാനി ഫ്രം നൈജീരിയയിലൂടെയാണ്‌ സക്കറിയ സംവിധാനരംഗത്തേക്കെത്തുന്നത്‌. വന്‍വിജയമായിത്തീര്‍ന്ന സിനിമ 2018ലെ കേരളസംസ്ഥാന ചലച്ചിത്രപുരസ്‌കാരത്തില്‍ അഞ്ച്‌ അവാര്‍ഡുകള്‍ സ്വന്തമാക്കി. മികച്ച പോപുലര്‍ സിനിമ, മികച്ച നവാഗത സംവിധായകന്, മികച്ച നടന്‍ തുടങ്ങിയ പുരസ്‌കാരങ്ങള്‍ക്കൊപ്പം 2018ലെ ദേശീയപുരസ്‌കാരത്തില്‍ മികച്ച മലയാളം ഫീച്ചര്‍ ഫിലിം പുരസ്‌കാരവും സ്വന്തമാക്കി.
ഹലാല് ലവ് സ്റ്റോറി -ആമസോണ് പ്രൈം വീഡിയോ റിലീസ്, ചിത്രത്തില് സൗബിന്‍ അതിഥി താരമായെത്തി ആയിരുന്നു സംവിധായകന്റെ അടുത്ത സിനിമ. മഞ്ഞുമ്മല് ബോയ്സ് വിജയത്തിളക്കത്തില് നില്ക്കുന്ന സൗബിന്റെ പുതിയ സിനിമയ പ്രാവിന്കൂട് ഷാപ്പ് ചിത്രീകരണം നടക്കുന്നു. നവാഗതസംവിധായകന് ശ്രീരാജ് ശ്രീനിവാസന് ഒരുക്കുന്ന സിനിമയില് ബേസില് ജോസഫ്, ചെമ്പന് വിനോദ് ജോസ് എന്നിവരുമെത്തുന്നു.
ടൊവിനോ തോമസിനൊപ്പം നടികര് എന്ന സിനിമയിലും സൗബിനെത്തുന്നു. മെയ് റിലീസ് ആയിരിക്കും സിനിമ.
