16മാസങ്ങള്‍ക്ക്‌ ശേഷം വിനേഷ്‌ മാറ്റിലേക്ക്‌ തിരിച്ചെത്തുകയാണ്‌. 55കിലോയില്‍ ജ്യോതിയെ പരാജയപ്പെടുത്തി. അതേസമയം അന്‍ഷു മാലിക്‌, 59കിലോ ഇനത്തില്‍ സരിത മോറിനെ തോല്‍പിച്ചു. ഒളിമ്പിക്‌സിലെ പുതിയ കാറ്റഗറികളാണ്‌ രണ്ടും.
രണ്ട്‌ തവണ ലോകചാമ്പ്യന്‍ഷിപ്പ്‌ മെഡല്‍ ജേതാവ്‌ വിനേഷ്‌ ഫൊഗാട്ട്‌ പരിക്കിനെ തുടര്‍ന്നുള്ള 16മാസത്തെ വിശ്രമത്തിന്‌ ശേഷം മാറ്റിലേക്ക്‌ തിരിച്ചെത്തിയിരിക്കുന്നു. ജയ്‌പൂര്‍ റെയില്‍വെ സ്റ്റേഡിയത്തില്‍ നടന്ന സീനിയര്‍ നാഷണല്‍ റെസ്റ്റ്‌ലിംഗ്‌ ചാമ്പ്യന്‍ഷിപ്പ്‌ 2024ല്‍ സ്‌ത്രീകളുടെ 55കിലോ ഫ്രീസ്റ്റൈല്‍ ഇനത്തില്‍ സ്വര്‍ണമെഡല്‍ നേടികൊണ്ടാണ്‌ തിരിച്ചുവരവ്‌.
ബെല്‍ഗ്രേഡില്‍ നടന്ന 2022 ലോകചാമ്പ്യന്‍ഷിപ്പിലായിരുന്നു 29വയസ്സുകാരിയായ വിനേഷ്‌ അവസാനം മത്സരിച്ചത്‌. 53കിലോ കാറ്റഗറിയില്‍ വെങ്കലമെഡല്‍ സ്വന്തമാക്കി. മുട്ടിന്‌ പരിക്കേറ്റതിനാല്‍ കഴിഞ്ഞ വര്‍ഷത്തെ ഏഷ്യന്‍ഗെയിംസില്‍ താരത്തിന്‌ പങ്കെടുക്കാനായില്ല.
യുവതാരം ജ്യോതിയെ 4-0ന്‌ ഫൈനല്‍സില്‍ വിനേഷ്‌ തോല്‍പിച്ചു.
സീനിയര്‍ നാഷണല്‍സിലെ നോണ്‍ ഒളിമ്പിക്‌ കാറ്റഗറിയിലാണ്‌ ഇന്ത്യന്‍ റെസ്റ്റ്‌ലിംഗ്‌ താരം മത്സരിച്ചത്‌. കഴിഞ്ഞ ആഗസ്റ്റില്‍ മുട്ടിന്‌ ശസ്‌ത്രക്രിയയ്‌ക്ക്‌ ശേഷം ഡിസംബറിലാണ്‌ താരം പരിശീലനം പുനരാരംഭിച്ചത്‌.
ജയ്‌പൂറില്‍ 10 കാറ്റഗറികളിലാണ്‌ മത്സരം നടന്നത്‌. അതില്‍ ആറെണ്ണം ഒളിമ്പിക്‌ കാറ്റഗറികളാണ്‌. 50കിലോ, 53കിലോ, 57കിലോ, 62കിലോ, 68കിലോ, 76കിലോ എന്നിവ. 55കിലോ, 59കിലോ, 65കിലോ, 72കിലോ ഒളിമ്പിക്‌സിലില്ല.
.jpg)